Дажджы і да плюс 26 градусаў па поўначы — такім будзе надвор’е ў нядзелю, 12 ліпеня. Аб гэтым паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Будзе воблачна з праясненнямі. Ноччу месцамі, днём на большай частцы тэрыторыі — кароткачасовыя дажджы, у асобных раёнах навальніцы. У дзённыя гадзіны месцамі па паўночным усходзе чакаюцца моцныя дажджы. Ноччу і раніцай у асобных раёнах туман. Вецер будзе ноччу няўстойлівы слабы, днём паўночна-заходні ўмераны, пры навальніцах — парывісты.
Тэмпература паветра мінімальная ноччу — ад плюс 9 да плюс 15 градусаў, максімальная днём — плюс 18-24 градусы, па поўначы — да плюс 26 градусаў.
