Жыхара Баранавічаў выявілі сваякі пад яго ўласным аўтамабілем «Аўдзі-100» — мужчына ўжо не падаваў прыкмет жыцця. Для агляду месца здарэння выбыла следча-аператыўная група з удзелам спецыялістаў Дзяржаўнага камітэта судовых экспертыз: эксперта-крыміналіста і судова-медыцынскага эксперта.

Падчас агляду эксперты высветлілі, што цела мужчыны аказалася прыціснутым кузавам аўтамабіля да асфальту, знаходзілася паміж пярэднім і заднім левымі па ходзе руху коламі ў непасрэднай блізкасці да бардзюра. Сістэма запуску рухавіка была няспраўная — стартар прыводзіў у рух махавік і рухавік заводзіўся толькі пасля падключэння проваду да акумулятара. На момант агляду ключы знаходзіліся ў замку запальвання, была ўключана першая перадача. Вырабіць такую паслядоўнасць дзеянняў магчыма толькі з падкапотнай прасторы, знаходзячыся побач з машынай. Пры ўключанай перадачы, у момант запуску рухавіка, аўтамабіль пачаў самаадвольна рухацца, што, верагодна, і адбылося ў той дзень.

Для ўстанаўлення прычыны смерці прызначаная судова-медыцынская экспертыза. Судовымі экспертамі ўстаноўлена, што смерць мужчыны наступіла ад механічнай асфіксіі пры здушэнні грудной клеткі і жывата масіўным прадметам (аўтамабілем), у момант здарэння пацярпелы размяшчаўся ў вертыкальным становішчы, этылавы спірт у арганізме не знойдзены.