Каля 100 чалавек затрыманы ў час вулічных беспарадкаў у Барселоне (аўтаномная супольнасць Каталонія), у час сутычак з пратэстоўцамі пацярпелі 10 паліцэйскіх.
Кіраўнік ведамства Нурыя Парлон асудзіла тое, што адбылося. Паводле яе ацэнкі, колькасць удзельнікаў беспарадкаў склала прыкладна 500 чалавек, у выніку 14 устаноў пашкоджана. Паводле папярэдніх даных, са 100 затрыманых — чвэрць непаўналетнія.
Паводле інфармацыі агенцтва EFE, вечарам 24 кастрычніка некалькі соцень маладых людзей сабраліся ў цэнтры Барселоны на акцыю, арганізаваную праз сацсеткі. Мітынг перарос у пагромы, будаванне барыкад, падпалы і сутыкненні з паліцыяй. Большасць удзельнікаў беспарадкаў былі апрануты ў чорнае. У дэпартаменце ўнутраных спраў Каталоніі бачаць сувязь акцыі з пратэстамі, якія прайшлі ў шэрагу еўрапейскіх гарадоў.
