Паляваць дазволена як ружэйным (з засады, з падыходу, пад’езда з маламерных судоў, на норах), так і безружэйным (на норах, з выкарыстаннем пасткі або пастак, акрамя завес) спосабамі.

У якасці прылад палявання можна выкарыстоўваць наразную паляўнічую зброю, гладкаствольную зброю з выкарыстаннем патронаў, падрыхтаваных куляй або карцеччу, паляўнічыя лукі і арбалеты, пры паляванні з пад’езда — маламерныя судны без рухавіка або з непрацуючым рухавіком, паляўнічых сабак (акрамя ганчакоў і хартоў), пасткі (акрамя завес).

Паляванне на бабра і выдру дазволена як у светлы, так і ў цёмны час сутак. «Варта звярнуць увагу, што пры безружэйным паляванні з капканамі або пасткамі іх усталёўка (зняцце), праверка, насцярожванне і выманне здабытых жывёл дапускаюцца толькі ў светлы час сутак. Ружэйнае або безружэйнае паляванне на норах, а таксама ружэйнае паляванне з пад’езда з маламерных суднаў дапускаецца толькі ў светлы час сутак», — растлумачылі ў БТПР.

Ружэйнае паляванне на бабра і выдру ў цёмны час сутак дазваляецца спосабамі з засады, з падыходу і толькі па разавых паляўнічых пуцёўках да дазволу (тэрмінам дзеяння не больш за 24 гадзіны), з абавязковым прызначэннем і ў прысутнасці кіраўніка палявання.

Працягваецца паляванне на мядзведзя (жывёлы любога полу і ўзросту), самцоў лася, аленя высакароднага, казулі і лані, аленя плямістага (жывёлы любога полу і ўзросту), дзіка, цецерука, вадаплаўную і балотную дзічыну, слонка, вяхиря, голуба шызага, перапёлкі, фазана, а таксама на ваўка, лісіцу, шакала, янотападобнага сабаку, варону шэрую, сароку, баклана, чаплю шэрую, чаплю белую вялікую.