Прэм’ер-міністр Аляксандр Турчын падпісаў пастанову Савета Міністраў «Аб пытаннях эксплуатацыі маламерных суднаў», паведамілі БелТА ў прэс-службе ўрада.
Пастановай прадугледжваецца зацвярджэнне 4 палажэнняў па эксплуатацыі маламерных суднаў і правілаў іх выкарыстання. Палажэнні актуалізаваны пад патрабаванні дзеючага заканадаўства і дапрацаваны з улікам практыкі іх прымянення.
Акрамя таго, уводзяцца нормы бяспекі пры эксплуатацыі маламерных суднаў грамадзянамі, а таксама патрабаванні пры ажыццяўленні буксіроўкі суднамі сродкаў актыўнага адпачынку
У прыватнасці, забараняецца перавозка на маламерным судне дзяцей да 7-гадовага ўзросту без суправаджэння паўналетняга. Асобы, якія знаходзяцца на буксіруемых маламернымі суднамі сродках (водныя лыжы, вейкборды, бананы, кругі, парусна-парашутныя сродкі і іншыя сродкі аналагічнага прызначэння), павінны быць у зашпіленых выратавальных камізэльках.
З 17 па 27 кастрычніка 2025 года адбылося публічнае абмеркаванне праекта пастановы на Прававым форуме Беларусі.
