Унесеныя змены ў першую чаргу закранаюць інтарэсы юрыдычных асоб і індывідуальных прадпрымальнікаў. Цяпер для папаўнення ўласных электронных кашалькоў пры эмісіі і распаўсюджвання электронных грошай бізнес зможа выкарыстаць сродкі, якія паступаюць ад грамадзян у якасці платы за рэалізаваныя тавары або паслугі.

Акрамя таго, новая рэдакцыя правілаў дэталёва прапісвае механізм пагашэння ўладальнікам электронных кашалькоў — юрыдычным асобам, індывідуальным прадпрымальнікам — электронных грошай. Вяртанне сродкаў фізічным асобам можа ажыццяўляцца праз прамы грашовы перавод, што актуальна ў сітуацыях, калі прадпрымальнікі абавязаны вярнуць пакупнікам раней выплачаныя сумы па падставах, абумоўленых дзеючым заканадаўствам.

Галоўная мэта прынятых навацый — стварэнне спрыяльнага асяроддзя для інтэграцыі беларускіх сістэм электронных плацяжоў з замежнымі QR-сістэмамі і банкаўскімі інфраструктурамі. Такім чынам плануецца прадаставіць як радавым грамадзянам, так і суб’ектам гаспадарання максімальна зручныя, даступныя па кошце і высакаякасныя сэрвісы для паўсядзённай аплаты пакупак і паслуг.

Аміна НАЗАРАВА

Фота БелТА