Тут адзначылі, што зламыснікі пад рознымі падставамі спрабуюць даведацца ў грамадзян канфідэнцыйную інфармацыю. Гэта могуць быць коды, якія прыйшлі ў SMS, пашпартныя даныя або любыя іншыя звесткі.

У Нацбанку акцэнтавалі ўвагу на тым, што супрацоўнікі кантакт-цэнтра Нацыянальнага банка ніколі не тэлефануюць праз Telegram ці іншыя месенджары.

— У выпадку паступлення такога званка праз любы месенджар рэкамендуем неадкладна перапыніць яго і самастойна ператэлефанаваць у кантакт-цэнтр Нацыянальнага банка, — параілі ў фінансавай установе.