Дакумент рэгулюе адносіны, звязаныя з абаронай персанальных даных пры іх апрацоўцы аператарамі і ўпаўнаважанымі асобамі.

Уносяцца змяненні ў закон ад 7 мая 2021 года «Аб абароне персанальных даных», а таксама ў нормы іншых законаў у адпаведнасці з новымі патрабаваннямі. Яны накіраваны на зніжэнне адміністрацыйнай нагрузкі на арганізацыі пры апрацоўцы персанальных даных, павышэнне абароны персанальных даных грамадзян пры іх апрацоўцы з выкарыстаннем сучасных тэхналогій (відэаназірання, аўдыёзапісы, аўтаматызаванай апрацоўкі персанальных даных).

Акрамя таго, замацоўваецца практыка прымянення асобных норм. Удакладнены функцыі Нацыянальнага цэнтра абароны персанальных даных у частцы прававой асветы грамадзян і ўзаемадзеяння з прафесійнай супольнасцю.

Арганізатарам грамадскага абмеркавання выступае Нацыянальны цэнтр абароны персанальных даных.

Як зазначаецца ў абгрунтаванні праекта закона, прапануецца выключыць са спецыяльных персанальных даных звесткі, якія датычацца членства ў прафсаюзах. Спрашчаюцца падыходы да парадку атрымання згоды на апрацоўку персанальных даных, у тым ліку скарачаецца аб’ём інфармацыі для ўказання ў згодзе.

Таксама карэкціроўкі накіраваны на вырашэнне шэрагу пытанняў апрацоўкі даных без згоды, напрыклад, пры разглядзе рэзюмэ суіскальнікаў на працаўладкаванне, сумеснай апрацоўкі персанальных даных некалькімі аператарамі, прадастаўленне права выбару прадстаўнікам малога бізнесу арганізоўваць унутраны кантроль за апрацоўкай даных уласнымі сіламі або прыцягваць для гэтага іншыя арганізацыі, а для холдынгаў — правы арганізацыі такога кантролю сіламі іх кіруючых кампаній.

«Узмацненне жорсткасці падыходаў да арганізацыі апрацоўкі персанальных даных аператарамі і ўпаўнаважанымі асобамі не прадугледжваецца. Пры гэтым праект закона не прывядзе да зніжэння ўзроўню абароны персанальных даных грамадзян», — адзначаецца ў абгрунтаванні.

Свае заўвагі і прапановы можна выказаць у спецыяльнай тэме на Прававым форуме Беларусі з 13 па 22 ліпеня ўключна.