З 23 красавіка пачынаецца планавая адпраўка грамадзян, прызваных на тэрміновую ваенную службу, у злучэнні і воінскія часці Узброеных Сіл. Пра гэта паведамілі БелТА ў Міністэрстве абароны Беларусі.
У першы дзень у войскі адправяцца каля 1000 прызыўнікоў. Яны папоўняць рады сіл спецыяльных аперацый, Мінскай ваеннай камендатуры, 72-га гвардзейскага Аб’яднанага навучальнага цэнтра, 361-й базы аховы і абслугоўвання, а таксама органаў пагранічнай службы. Усяго на камплектаванне Узброеных Сіл, іншых войскаў і воінскіх фарміраванняў Беларусі плануецца накіраваць каля 10 тыс. чалавек. Для праходжання службы ў рэзерве ў гэты ж перыяд плануецца накіраваць каля 600 чалавек. Ваенную прысягу навабранцы прымуць 23 мая.
Прызыў грамадзян Беларусі на тэрміновую ваенную службу, службу ў рэзерве ў сакавіку — маі 2026 года ажыццяўляецца ў адпаведнасці з указам Прэзідэнта Беларусі.
