У Беларусі ў начны і ранішні час 5 лістапада месцамі чакаецца слабы галалёд, на асобных участках дарог — галалёдзіца. Аб гэтым паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
У чацвер будзе воблачна з праясненнямі. Пераважна па паўночна-ўсходняй частцы краіны пройдуць невялікія ападкі (дождж, ноччу — з мокрым снегам).
Вецер прагназуецца паўночна-заходні 5-10 м/с, днём у асобных раёнах — з парывамі да 14 м/с.
Тэмпература паветра ноччу складзе ад мінус 2 да плюс 3 градусаў. Днём будзе 6-11 градусаў цяпла.
