У ведамстве адзначылі, што прызыў грамадзян на тэрміновую ваенную службу, службу ў рэзерве восенню 2026 года ажыццяўляецца ў адпаведнасці з Указам Прэзідэнта Беларусі.

Так, у першы дзень у войскі будзе накіравана каля тысячы прызыўнікоў, якія папоўняць шэрагі сіл спецыяльных аперацый, Мінскай ваеннай камендатуры, 72-га гвардзейскага аб’яднанага навучальнага цэнтра, 361-й базы аховы і абслугоўвання.

Усяго восенню на камплектаванне Узброеных Сіл, іншых войскаў і воінскіх фарміраванняў рэспублікі ў адпаведнасці з рашэннямі прызыўных камісій плануецца накіраваць каля 10 тыс. чалавек. Для праходжання службы ў рэзерве — каля 600 грамадзян.

Ваенную прысягу навабранцы прымуць 21 лістапада.