Аднаразовая матэрыяльная дапамога будзе выплачана па 8 мая. Так, 5 тыс. рублёў выплацяць інвалідам і ўдзельнікам Вялікай Айчыннай вайны, асобам, якія прымалі ўдзел у баявых дзеяннях па абароне Айчыны да 3 верасня 1945 года.

2,5 тыс. рублёў атрымаюць узнагароджаныя ордэнамі або медалямі СССР за самаадданую працу ў тыле ў гады Вялікай Айчыннай вайны, людзі, якія працавалі на аб’ектах супрацьпаветранай абароны, мясцовай супрацьпаветранай абароны, на ўзвядзенні абарончых збудаванняў, марскіх баз, аэрадромаў і іншых ваенных аб’ектаў у рамках тылавых меж дзеючых франтоў, на прыфрантавых участках чыгунак і аўтамабільных дарог, а таксама асобы, якія працавалі на прадпрыемствах, ва ўстановах і арганізацыях горада Ленінграда ў перыяд блакады з 8 верасня 1941 года па 27 студзеня 1944 года і ўзнагароджаныя медалём «За абарону Ленінграда», і асобы, узнагароджаныя знакам «Жыхару блакаднага Ленінграда». 

Акрамя таго, 1,5 тыс. рублёў выплацяць членам сем’яў ваеннаслужачых, партызан і падпольшчыкаў, загінулых (памерлых), зніклых без вестак у гады Вялікай Айчыннай вайны (сужэнцам, якія не ўступілі ў новы шлюб, дзецям-інвалідам з дзяцінства (у тым ліку усыноўленым, удачароным), іншым утрыманцам, якім устаноўлена павышэнне пенсіі па ўказаных падставах у адпаведнасці з заканадаўствам), былым вязням, у тым ліку непаўналетнім, фашысцкіх канцлагераў, турмаў, гета, а таксама былым непаўналетнім вязням іншых месцаў прымусовага ўтрымання, створаных фашыстамі і іх саюзнікамі ў гады Другой сусветнай вайны, якім устаноўлена павышэнне пенсіі па названай падставе ў адпаведнасці з заканадаўствам, а таксама інвалідам з дзяцінства ў выніку ранення, кантузіі, калецтва, звязаных з баявымі дзеяннямі ў перыяд Вялікай Айчыннай вайны альбо наступствамі ваенных дзеянняў. 

На выплату аднаразовай матдапамогі з рэспубліканскага бюджэту прадугледжана накіраваць 10,6 млн рублёў.