«Па аператыўных даных на 4 мая 2026 года, яравых культур у краіне пасеяна на плошчы 1537 тыс. га, што складае 67% ад агульнай плошчы пад сяўбу ў 2294 тыс. га. Завершана сяўба лёну-даўгунцу», — праінфармавалі ў прэс-службе.

У разрэзе абласцей засеяна: у Гродзенскай — 243 тыс. га (73% ад плана), у Брэсцкай — 300 тыс. га (72%), у Віцебскай — 222 тыс. га (69% ад плана), Мінскай — 340 тыс. га (68% ад плана), Магілёўскай — 208 тыс. га (63% ад плана), Гомельскай — 224 тыс. га (56% ад плана).

Кукурузай усяго ва ўсіх рэгіёнах краіны засеяна 605 тыс. га, што складае 47% ад плана ў 1283 тыс. га.

Сяўба яравога рапсу выканана на плошчы 38 тыс. га (97% ад плана ў 40 тыс.га). Завершана сяўба цукровых буракоў — пасеяна больш за 107 тыс. га, што складае больш за 100% ад планавых плошчаў у 106 тыс. га.

Мінеральных угнаенняў (азотных, фосфарных, калійных) пад яравую сяўбу 2026 года назапашана 791 тыс. т дзеючага рэчыва, што складае 95% ад плана. Арганічных угнаенняў пад яравую сяўбу ўнесена 41 млн т — 78% ад вывезенага.

Бульба ва ўсіх рэгіёнах краіны пасаджана на плошчы 9 тыс. га, што складае 41% ад плана ў 22 тыс. га. У разрэзе абласцей пасаджана планавых плошчаў: Гродзенская — 57%, Брэсцкая — 45%, Мінская — 42%, Гомельская — 40%, Магілёўская — 36%, Віцебская — 22%.

Агароднінных культур (капуста, буракі, морква і інш.) пасеяна амаль 4 тыс. га., што складае 51% ад плана ў 8 тыс. га.