Алена Расолька ўдакладніла, што даўжнік абавязаны выплачваць аліменты кожны месяц. У цэлым жа іх памер залежыць ад даходаў: на адно дзіця — гэта 25%, на двух — 33%, а на трох і больш дзяцей — 50%.

Па законе ў Беларусі ўстаноўлены мінімальны памер аліментаў, які прывязаны да бюджэту пражытачнага мінімуму. З 1 жніўня па 30 кастрычніка складае 530,37 рубля. У выніку на адно дзіця гэта мінімум палова БПМ (265,19 рубля), на двух дзяцей — 75% (397,78 рубля), а на трох — 100%.

«З 100 тыс. даўжнікоў, якія знаходзяцца ў нас на выкананні, больш за 75 тыс. афіцыйна працаўладкаваны і аплачваюць аліменты са сваёй заработнай платы», — удакладніла яна.

Прадстаўнік Мінюста ўдакладніла, што 95% плацельшчыкаў аліментаў — мужчыны, часцей за ўсё ім ад 30 да 50 гадоў.