Устаноўлены формы анкет на рускай і англійскай мовах. Вызначаны пералік магчымых месцаў для апытання турыстаў. Гэта гасцініцы і аналагічныя сродкі размяшчэння, санаторыі, базы адпачынку, аб’екты транспартнай інфраструктуры (АЗС, аэрапорты, чыгуначныя вакзалы, пасажырскія тэрміналы аўтамабільнага транспарту і інш.), а таксама аб’екты турыстычнай індустрыі (аквапаркі, гарналыжныя комплексы, кафэ, сувенірныя крамы, установы культуры, тэматычныя паркі, этнаграфічныя комплексы і інш.), месцы правядзення спартыўных, спартыўна-масавых, культурных і іншых мерапрыемстваў.

Абазначаны тэрміны правядзення маніторынгаў з улікам перыядычнасці: на аб’ектах транспартнай інфраструктуры — на працягу паслядоўных пяці дзён у перыяд з 16 па 22 верасня, у гасцініцах і аналагічных сродках размяшчэння, на аб’ектах турыстычнай індустрыі — з 23 па 29 сакавіка, з 18 па 24 мая, з 7 па 13 верасня, з 11 па 17 лістапада. Запоўненыя анкеты апрацоўваюцца Нацыянальным агенцтвам па турызме сумесна з арганізацыяй, з якой заключаны адпаведны дагавор.

Пастанова нумар 1 уступіць у сілу з 23 сакавіка.

Інструкцыя аб парадку правядзення спецыяльных маніторынгаў міжнароднага ўязнога турызму і ўнутранага турызму зацверджана пастановай Савета Міністраў Рэспублікі Беларусь ад 5 студзеня 2026 года нумар 5.