Аналіз вынікаў праведзенай у 2021—2025 гадах Мінпрыроды і Міністэрствам аховы здароўя работы па абследаванні забруджаных тэрыторый з адборам проб глебы і ацэнцы дозавых нагрузак на насельніцтва паказаў значнае паляпшэнне абстаноўкі ў асобных населеных пунктах, размешчаных на забруджаных радыенуклідамі тэрыторыях. Згодна з дзеючым пералікам, зацверджаным пастановай Савета Міністраў ад 8 лютага 2021 года № 75, у зонах радыеактыўнага забруджвання знаходзіцца 2022 населеныя пункты, у якіх пражывае 930,6 тыс. чалавек, і 49 аб’ектаў.

«Пастановай зацвярджаецца пералік населеных пунктаў і аб’ектаў, якія знаходзяцца ў зонах радыеактыўнага забруджвання, які ўключае 1845 населеных пунктаў (мінус 177), у якіх пражывае 364,2 тыс. чалавек, і 33 аб’екты (мінус 16). З дзейнага пераліку выключаны ў тым ліку Гомель, Лунінец, Лельчыцы і Іўе», — расказалі ў прэс-службе.

Па ўзгадненні з кіраўніком дзяржавы ўступленне ў сілу пастановы прадугледжваецца з 1 студзеня 2027 года, а льготы на бясплатнае харчаванне захоўваюцца да чэрвеня 2027 года для непаўналетніх дзяцей, якія пражываюць і (або) навучаюцца ва ўстановах адукацыі, размешчаных на тэрыторыях, што выводзяцца з катэгорыі забруджаных.