У Беларусі ўстаноўлена размеркаванне квоты на ўвоз электрамабіляў на 2026 год. Адпаведную пастанову падпісаў Прэм’ер-міністр Аляксандр Турчын. Аб гэтым паведамляе БелТА.
Пастановай прадугледжваецца размеркаванне тарыфнай квоты на ўвоз у Беларусь маторных транспартных сродкаў з электрычнымі рухавікамі паміж юрыдычнымі і фізічнымі асобамі. У прыватнасці, колькасць маторных транспартных сродкаў з электрычнымі рухавікамі, якія ўвозяцца (увезеныя) у 2026 годзе ў рамках ільготнай квоты, не можа перавышаць для юрыдычных асоб 13,8 тыс. адзінак, для фізічных асоб — 6,2 тыс. адзінак.
