Беларускі Чырвоны Крыж збірае, закупляе і перадае дзецям паўнацэнныя школьныя наборы і рукзакі з усімі патрэбнымі прыладамі. Гэта патрэбна, каб у кожнага дзіцяці былі ўсе ўмовы для вучобы, а пачатак навучальнага года прыносіў толькі радасць.

Мэта праекта — падтрымаць дзяцей, якія апынуліся ў сацыяльна небяспечным становішчы, з інваліднасцю, з сем’яў з нізкім узроўнем даходу, дзяцей вымушаных мігрантаў і бежанцаў.

Далучыцца і падтрымаць ініцыятыву можа кожны жадаючы. Для гэтага трэба, напрыклад, прынесці школьныя тавары ў офіс Беларускага Чырвонага Крыжа, перадаць іх валанцёрам у гандлёвых кропках, зрабіць дабрачынны плацеж з дапамогай сістэмы АРІП.

У 2025 годзе падтрымку атрымалі 14403 дзіцяці. Падтрымаць праект можна па 11 верасня.