Падобны парок несумяшчальны з жыццём, і дзеці паміраюць у першыя гадзіны ад нараджэння. Таму ў РНПЦ дзіцячай хірургіі дзіця было падключана да апарата ЭКМА, які замяняў яму лёгкія і сэрца, што дазволіла стабілізаваць яго стан і праз некалькі дзён выканаць унікальную аперацыю па пратэзаванні дыяфрагмы з уласных мышцаў. Затым, праз тыдзень, была выкананая другая аперацыя — на сэрцы. 

Гэты выпадак — першы ў Беларусі, калі дзіця з такім рэдкім цяжкім парокам выжыла. Лепшыя буйныя цэнтры свету пры наяўнасці высакакласных спецыялістаў і адпаведнага абсталявання даюць не больш за 5-6% выжывальнасці, і гэта пры адсутнасці пароку сэрца, адзначылі ў РНПЦ.

У выніку правядзення ў Цэнтры дзіцячай хірургіі комплекснага лячэння мультыдысцыплінарнай брыгадай, якая ўключае рэаніматолагаў, урачоў-спецыялістаў экстракарпаральнага кровазвароту, дзіцячых хірургаў і кардыяхірургаў, дзіця ўдалося перавесці на паўнавартаснае самастойнае дыханне, яго рыхтуюць да выпіскі.