Інтэрв’юеры будуць апытваць жыхароў гарадоў і сельскіх населеных пунктаў Беларусі аб іх тэлевізійных прывычках. Упершыню ў рамках даследавання плануецца ахапіць не толькі гарадскіх жыхароў, але і насельніцтва сельскай мясцовасці, што дасць магчымасць атрымаць больш поўную карціну тэлеглядзення ў краіне.

Вынікі даследавання будуць выкарыстаны для вывучэння тэлевізійнай аўдыторыі і фарміравання тэлевізійнай панэлі.

У кампаніі адзначаюць, што інтэрв’юераў «МедыяВымяральніка» можна пазнаць па фірмовых камізэльках. Пры правядзенні апытання яны таксама павінны мець пры сабе адпаведныя пасведчанні.

Удзел жыхароў у даследаванні дасць магчымасць сабраць даныя аб тэлевізійных перавагах насельніцтва і выкарыстоўваць іх пры далейшым вымярэнні аўдыторыі.