Тым не менш за гэты перыяд агонь забраў жыцці 18 чалавек — гэта на 63,6 % больш, чым за той жа час 2025-га (тады загінулі 11 грамадзян). Траўмы рознай ступені цяжкасці атрымалі 30 пацярпелых (больш на 11,1 %).

Асноўным ачагом небяспекі стаў жылы фонд. На яго прыпала 187 пажараў, або больш за 81 % ад агульнай колькасці выпадкаў. Адзін з галоўных трыгераў надзвычайных сітуацый — неасцярожнае абыходжанне з агнём: па гэтай прычыне зафіксавана 87 пажараў (38 % ад агульнай колькасці). Больш як палова з іх — 51 выпадак — былі справакаваныя неасцярожнасцю падчас курэння.

На другім месцы — парушэнні правілаў эксплуатацыі электрасетак і электраабсталявання, якія сталі прычынай 65 пажараў (28,4 %). У гэтым выпадку статыстыка паказала зніжэнне аварыйнасці на 16,7 %. З-за парушэння правілаў эксплуатацыі печаў, цеплагенерыруючых агрэгатаў адбылося 26 пажараў, што складае 11,4 % ад агульнай колькасці (павелічэнне на 44,4 %).

— Аналіз паказвае, што абсалютная большасць людзей гіне ва ўласных дамах. З 18 ахвяр 17 чалавек пазбавіліся жыцця менавіта ў жылым фондзе. Самым смяротным фактарам аказалася неасцярожнае абыходжанне з агнём, якое забрала жыцці дзевяці чалавек, прычым у васьмі выпадках прычынай гібелі паслужыла курэнне. Яшчэ чатыры чалавекі загінулі з-за грэбавання правіламі бяспекі пры выкарыстанні электраабсталявання і электрасетак, — расказаў А. Сухадольскі. — Ад агульнай колькасці загінулых на пажарах у стане алкагольнага ап’янення знаходзіліся дзевяць чалавек (50 % ад усіх загінулых).