У ведамстве дадалі, што ў такім памеры сямейны капітал прызначаецца сем’ям пры нараджэнні (усынаўленні, удачарэнні) трэцяга або наступных дзяцей у перыяд з 1 студзеня да 31 снежня 2025 года.

Нагадаем, што Прэзідэнт Беларусі падоўжыў тэрмін дзеяння Праграмы сямейнага капіталу яшчэ на пяць гадоў: з 1 студзеня 2025 года да 31 снежня 2029 года.

Хто можа яго атрымаць? Сямейны капітал прызначаецца шматдзетным сем’ям пры нараджэнні (усынаўленні, удачарэнні) трэцяга або наступнага дзіцяці.

Дарэчы, на 1 студзеня для шматдзетных сем’яў было адкрыта 143 211 дэпазітных рахункаў «Сямейны капітал», з іх 82,6 тысячы дэпазітных рахункаў на суму 826 мільёнаў долараў ЗША і 60,6 тысячы дэпазітных рахункаў на суму 1,57 мільярда рублёў.

На датэрміновае распараджэнне сродкамі сямейнага капіталу пададзена 91 909 заяў. З іх на паляпшэнне жыллёвых умоў — 74 111, атрыманне медыцынскіх паслуг — 10 100, атрыманне адукацыі — 7693, набыццё тавараў для інвалідаў — 5.