Інфармацыя аб правілах прыёму размешчана на сайтах Беларускай дзяржаўнай сельскагаспадарчай акадэміі, Беларускага дзяржаўнага аграрнага ўніверсітэта, Віцебскай дзяржаўнай акадэміі ветэрынарнай медыцыны, Гродзенскага дзяржаўнага аграрнага ўніверсітэта.

«Навучанне даступна як за кошт сродкаў рэспубліканскага бюджэту, так і на платнай аснове. Прыём дакументаў працягнецца да 5 снежня, уступныя іспыты пройдуць з 6 па 15 снежня, а залічэнне — да 20 снежня», — расказалі ў прэс-службе

Абітурыенты, якія паступаюць на спецыяльнасці ў галіне сельскай гаспадаркі, ветэрынарыі, рыбнай гаспадаркі і аховы працы, здаюць два профільныя іспыты: па сваім выбары ў форме цэнтралізаванага экзамену (ЦЭ), цэнтралізаванага тэсціравання (ЦТ) або ўнутраных уступных іспытаў у ВНУ.

Для паступлення на іншыя спецыяльнасці патрабуецца здача трох іспытаў, уключаючы беларускую або рускую мову і два профільныя прадметы.

Паралельна да 30 лістапада працягваецца прыём дакументаў у аграрныя каледжы на завочную форму атрымання сярэдняй спецыяльнай адукацыі. Адбор абітурыентаў ажыццяўляецца па конкурсе сярэдняга бала атэстата.

«Цяпер, калі асноўныя сельскагаспадарчыя работы завершаны, у кіраўнікоў сельгасарганізацый ёсць унікальная магчымасць якасна павысіць узровень кадравага складу арганізацый. Завочная форма дазваляе сумяшчаць вучобу з працай, не перарываючы вытворчы працэс», — расказалі ў Мінсельгасхарчы.