Адно з самых чаканых змяненняў тычыцца змены ўласніка аўтамабіля. «Раней пры куплі транспартнага сродку, на які ўжо быў атрыманы дазвол на допуск (гэта значыць пройдзены тэхагляд), новы ўладальнік павінен быў праходзіць працэдуру зноўку. Гэта стварала лішнія клопаты. З 16 лістапада гэтая норма адмяняецца. Калі ў аўтамабіля ёсць дзеючае дазвол, паўторна праходзіць тэхагляд ня трэба. Звесткі аб дазволе будуць аўтаматычна пераносіцца на новага ўладальніка дзякуючы абмену звесткамі паміж інфармацыйнымі сістэмамі УП „Белтэхагляд“ і МУС», — расказаў намеснік начальніка філіяла УП «Белтэхагляд» у Менску Сяргей Каравацкі.

У выпадку, калі дакумент, які пацвярджае праходжанне тэхагляду (бланк дазволу), быў згублены або сапсаваны, то прадугледжана выдача дубліката бланка адміністрацыйнага рашэння. Спецыялісты прадпрыемства аформяць яго на падставе заявы зацікаўленай асобы. Таксама, калі ў пасведчанне аб рэгістрацыі транспартнага сродку ўносіліся змены (напрыклад, змяніўся рэгістрацыйны знак), новыя дадзеныя будуць унесены ў раней выдадзены бланк дазволу.

Унясенне платы за атрыманне дазволу на допуск транспартнага сродку да ўдзелу ў дарожным руху магчыма з выкарыстаннем плацежнай сістэмы ў АРІП. Гэта найбольш зручны і хуткі спосаб: аплата паступае аператыўна.

У ліку іншых навін — абнаўленне формы заяў на ажыццяўленне адміністрацыйных працэдур (у тым ліку на выдачу дубліката дазволу або ўнясенне ў яго змяненняў). Каб пазбегнуць блытаніны, новыя бланкі будуць размешчаны на афіцыйным сайце прадпрыемства gto.by у профільных раздзелах.

Аўтаўладальнікі па-ранейшаму могуць атрымаць дазвол на допуск у электронным выглядзе. Зрабіць гэта можна праз адзіны партал электронных паслуг «Е-Паслуга». Змены накіраваны на спрашчэнне працэдур для грамадзян і цыфравізацыі працэсаў.