Ва ўсіх беларускіх банках з ліпеня з’явіцца магчымасць папаўняць банкаўскі рахунак праз ЕРІП па нумары мабільнага тэлефона атрымальніка, расказалі ў прэс-службе Нацыянальнага банка.
У Нацбанку паведамілі:
— Адпаведныя змены ўнесены ў інструкцыю аб парадку аказання плацежных паслуг на тэрыторыі Беларусі пастановай Праўлення Нацбанка ад 8 студзеня 2026 года № 3.
Для папаўнення банкаўскага рахунку будзе неабходна ведаць нумар мабільнага тэлефона атрымальніка, а таксама згоду атрымальніка на выкарыстанне нумара тэлефона для ажыццяўлення аперацый у АРІП.
Калі ў атрымальніка некалькі рахункаў у адным банку, ён сам выбера, на які з іх яму будуць залічвацца грашовыя сродкі пры папаўненні па нумары тэлефона.
— Гэта дадатковая магчымасць. Па-ранейшаму можна будзе выкарыстоўваць звыклыя рэквізіты: АРІП, даныя карты, нумар дагавора і гэтак далей, — звярнулі ўвагу ў прэс-службе.
Змены набудуць моц з 25 ліпеня 2026 года. Банкам неабходны час, каб абнавіць свае сістэмы.
