Пад забарону трапілі наступныя вадкасці: «Снежная дорога -30» вытворчасці ТАА «ХИМПАРТНЕР» (Расія), «Gleid Clean Effect -30» вытворчасці ТАА «ГРИФ» (Расія), «Зимняя вишня -30» вытворчасці ТАА «ХИМПАРТНЕР» (Расія), «Снежная королева Дарья -30» вытворчасці ТАА «ХИМПАРТНЕР» (Расія), «FREEDOM -30» вытворчасці ТАА «МЕГАПОЛИС» (Расія), «ЛЕДОРУБ -30» вытворчасці ТАА «ВАЙ АВТО ХИМ» (Расія).

Пастановы намесніка міністра — галоўнага дзяржаўнага санітарнага ўрача Рэспублікі Беларусь аб забароне абарачэння на тэрыторыі Беларусі былі вынесены ў сувязі з выяўленнем рызык пагаршэння санітарна-эпідэміялагічнага становішча, якія ўяўляюць патэнцыяльную небяспеку для жыцця і здароўя насельніцтва ў 2026 годзе.

У Міністэрстве аховы здароўя нагадваюць: не варта купляць шклоабмывальную вадкасць у неўстаноўленых для гандлю месцах. Важна вывучыць інфармацыю на этыкетцы: у маркіроўцы павінен быць пазначаны вытворца, адрас, тэрмін прыдатнасці. Павінна быць размешчана інфармацыя аб тым, што вадкасць прызначана выключна для транспартных сродкаў і адпавядае тэхнічным умовам. Таксама не дапускаецца наяўнасць метанолу больш за 0,05 аб’ёмнага працэнта.

У Міністэрстве папярэдзілі: у гандлёвых сетках прадаюцца розныя антыабледзяняльныя, супрацьгалалёдныя і іншыя вадкасці. Яны могуць быць не прызначаныя для выкарыстання ў якасці шклоабмывальніка, паколькі ўтрымліваюць метылавы спірт. Па вонкавым выглядзе гэтыя вадкасці рэдка адрозніваюцца ад «незамярзайкі». Спажыўцу важна вывучыць інфармацыю на ўпакоўцы. Калі там паведамляецца пра тое, што сродак бяспечны для лакафарбавых вырабаў, выкарыстоўваецца для ачысткі снегу і лёду з металічных, пластыкавых і іншых пакрыццяў — яго нельга выкарыстоўваць як шклоабмывальнік.