Нізказамярзальную шклоабмывальную вадкасць Freedom-30 расійскай вытворчасці забаранілі да ўвозу і продажу ў Беларусі. Вадкасць занесеная ў рэестр небяспечнай прадукцыі, апублікаваны на сайце Дзяржстандарта. Пра гэта паведаміла «Мінская праўда».
Праверка паказала, што вытворца наўмысна ўвёў пакупнікоў у зман. На этыкетцы паказана, што вадкасць можна выкарыстоўваць пры тэмпературы да −30 °C, але насамрэч яна пачынае замярзаць ужо пры −12 °C (±1,2 °C). З-за гэтай неадпаведнасці прадукт не адпавядае заяўленым характарыстыкам. Гэта не дазваляе прымяняць дадзеную прадукцыю пры тэмпературы навакольнага асяроддзя мінус 30 ºС, названай вытворцам у маркіроўцы.
Незамярзайка забароненая да ўвозу, абарачэння і продажу ў Беларусі з 24 сакавіка.
