На працягу 32 гадоў у газеце публікаваліся нарматыўна-прававыя дакументы, якія тычацца эканомікі, экспертныя каментары да іх, кансультацыі і тлумачэнні складаных пытанняў гаспадарчай дзейнасці.

У звароце галоўнага рэдактара Фёдара Велікаселеца да чытачоў адзначаецца, што рашэнне аб спыненні выпуску газеты было прынята ў сувязі са зменамі ў інфармацыйнай прасторы: «Папяровым выданням з іх цыкламі друку і дастаўкі даводзіцца саступаць месца электронным сродкам масавай інфармацыі. Такая сітуацыя ва ўсім свеце. І наша гісторыя не выключэнне і не падстава для песімізму».