«Будуць абмяркоўвацца пытанні прапрацоўкі прававога механізму. Гэта вельмі важна — прызнанне на міжнародным узроўні факта генацыду беларускага народа і савецкага народа ў цэлым. Прыйшоў час вярнуцца да тых дакументаў, тых матэрыялаў, якія былі прынятыя пасля Вялікай Айчыннай вайны, матэрыялаў Нюрнбергскага працэсу і яшчэ раз сказаць усяму свету пра тое, што недапушчальна правядзенне генацыдных палітык, генацыдных аперацый — гэта самая жорсткая праява ў гісторыі чалавецтва», — сказаў Андрэй Швед.

Паводле яго слоў, будуць абмяркоўвацца магчымасці прад’яўлення матэрыяльных прэтэнзій вінаватым краінам. Урадавая камісія Беларусі ўстанавіла, што ўрон, які быў нанесены фашысцкай Германіяй, іх памагатымі на акупаванай тэрыторыі БССР, складае не менш за $2,3 трлн. 

Адказваючы на пытанне БелТА аб канкрэтных механізмах прызнання факта генацыду савецкага народа ў гады вайны на міжнародным узроўні, генпракурор падкрэсліў, што неабходна сумесная работа. Паводле яго слоў, варта «ўсім разам згуртавацца на пляцоўках Арганізацыі Аб’яднаных Нацый, іншых міжнародных інстытутаў для таго, каб у далейшым падысці да прыняцця, як мы лічым, новай канвенцыі, сучаснай, адаптаванай Канвенцыі аб недапушчэнні праяў генацыду».