Фестываль пройдзе трэці раз. Ён разгорнецца на картадроме «Альянс». Падзея аб’яднае спартыўную праграму, забаўляльныя актыўнасці і конкурсы для гледачоў. Гасцей чакаюць выступленні брэсцкай каманды па шашэйна-кальцавых матацыклетных гонках, паказальныя выступленні, работа кемпінгавай зоны, фуд-кортаў і тэматычных пляцовак. Падрыхтавана мноства інтэрактываў: мота-конкурсы, дрыфт-таксі, тэматычныя спаборніцтвы.

У спартыўнай частцы фестывалю прымуць удзел каля 30 матацыклістаў з розных рэгіёнаў Беларусі, а таксама спартсмены з Масквы.

«Навінкай фэсту стане конкурс, галоўным прызам якога будзе кросавы матацыкл. 20 удзельнікаў выберуць жараб’ёўкай. Столькі ж чалавек змогуць выпрабаваць свае сілы ў іншым спаборніцтве — конкурсе па паяданні дранікаў. Адбор будзе праходзіць выбарачна сярод гасцей мерапрыемства», — расказалі арганізатары.

Фестываль арганізуюць пры падтрымцы Брэсцкага гарвыканкама.