Птушаня аказалася траўміравана — у яго былі пашкоджаны крылы. Неабыякавыя брэстчане звярнуліся па дапамогу ў МНС, і неўзабаве савянё перадалі спецыялістам Палескага аграрна-экалагічнага інстытута НАН Беларусі, дзе яму акажуць неабходную дапамогу.

Спецыялісты нагадваюць, што вясной і летам пачынаецца сезон злёткаў — маладых птушак, якія ўжо пакінулі гняздо, але яшчэ не ўмеюць лётаць. Яны часта сядзяць на ніжніх галінках ці нават на зямлі. У большасці выпадкаў такія птушаняты не маюць патрэбы ў дапамозе чалавека — іх бацькі працягваюць клапаціцца пра іх.

Эксперты раяць: калі вы заўважылі злётка без бачных пашкоджанняў, лепш не чапаць яго і не выносіць з прыроднага асяроддзя.