У Брэсцкай вобласці ў святочныя суткі нарадзілі 16 маладых мам: на свет з’явіліся 7 дзяўчынак і 9 хлопчыкаў, з іх у Брэсце нарадзіліся 7 дзяцей: 3 дзяўчынкі і 4 хлопчыкі.

У Віцебскай вобласці папаўненне — 10 малышоў. Урачы дапамаглі нарадзіцца 7 хлопчыкам і 3 дзяўчынкам. Адзін з малых так спяшаўся нарадзіцца 3 ліпеня, што маме прыйшлося нараджаць прама ў дарозе. Зараз маладая мама і малы знаходзяцца ў Віцебскім абласным радзільным доме пад наглядам медыкаў.

У Гродзенскай вобласці нарадзіліся 16 дзяцей. Тут зарэгістравана роўная колькасць — 8 дзяўчынак і 8 хлопчыкаў. Першым у 2:30 нарадзіўся хлопчык вагой 3350 г і ростам 54 см у Гродзенскім абласным клінічным перынатальным цэнтры.

У Гомельскай вобласці зарэгістравана 15 родаў — на свет з’явіліся 6 хлопчыкаў і 9 дзяўчынак. Першыя роды зарэгістраваныя ў Жлобінскай ЦРБ у 2:05. Тут нарадзіўся хлопчык вагой 3500 г. Маладая сям’я стала шматдзетнай — у мамы гэта трэція роды.

У Мінскай вобласці ў Дзень Незалежнасці нарадзіліся 30 дзяцей: 16 хлопчыкаў і 14 дзяўчынак.

У радзільнях Мінска на свет з’явіліся 66 дзяцей: 41 хлопчык і 25 дзяўчынак. «Паўторных родаў 50%. У радзільным доме 1-й клінічнай бальніцы з’явіліся 6 новых мінчан — 5 хлопчыкаў і адна дзяўчынка, у 2-й радзільні — 13 хлопчыкаў і 8 дзяўчынак, у 3-й клінічнай бальніцы ўрачы прынялі 6 дзяўчынак і аднаго хлопчыка. У 5-й радзільні спецыялісты дапамаглі нарадзіцца 8 хлопчыкам і 5 дзяўчынкам. Урачы радзільні 6-й клінічнай бальніцы прынялі за святочныя суткі 19 родаў — 14 хлопчыкаў і 5 дзяўчынак», — расказалі ў ведамстве.

У Магілёўскай вобласці ўрачы прынялі ў Дзень Незалежнасці 16 нованароджаных. У Бабруйскай радзільні з’явіліся на свет 4 хлопчыкі і 2 дзяўчынкі, у Магілёўскай бальніцы № 1 — 2 хлопчыкі і 4 дзяўчынкі, у Магілёўскай клінічнай бальніцы СМП нарадзілася двойня. Усяго тут за суткі з’явіліся на свет адна дзяўчынка і тры хлопчыкі.

У РНПЦ «Маці і дзіця» спецыялісты дапамаглі нарадзіцца чатыром малышам — тром хлопчыкам і адной дзяўчынцы.