Паводле слоў Віталя Крэцкага, конкурс «Энергамарафон», які праводзіцца ўжо 20 гадоў, арыентаваны пераважна на падрастаючае пакаленне. «Мы выхавалі цэлае пакаленне людзей, якія ўсвядомлена ставяцца да энергарэсурсаў. 

Навучанне пачынаецца з дзіцячага сада і школы: дзяцей вучаць гасіць святло, закрываць краны і дзверы. Сёння ёсць прыклады, калі дзеці прыходзяць дадому і вучаць бацькоў: расказваюць, якія лямпачкі купляць, як правільна рэгуляваць радыятары ацяплення замест таго, каб адкрываць фортачкі», — адзначыў дырэктар.

Віталь Крэцкі выказаў упэўненасць у тым, што ў бліжэйшыя 5-10 гадоў неабходнасць у жорсткіх адміністрацыйных мерах па энергазберажэнні адпадзе сама сабой. «Грамадзяне будуць разумець важнасць эканоміі без знешняга прымушэння, таму што гэта стане натуральнай часткай культуры спажывання. Мы нікуды ад гэтага не дзенемся, і ўсвядомленасць прыйдзе сама», — канстатаваў ён.

«У нас ёсць высакакласныя прадпрыемствы-вытворцы, якія ствараюць абсталяванне з мінімальнымі энергазатратамі. Аднак ёсць і тыя, хто пакуль не дацягвае да гэтых стандартаў. Дзяржава ў той ці іншай ступені аказвае падтрымку адстаючым, каб выраўнаваць агульны ўзровень. Прывядзенне ўсіх удзельнікаў рынку да адзіных высокіх стандартаў прынясе эканоміцы краіны толькі станоўчыя вынікі», — рэзюмаваў Віталь Крэцкі.