Адзначаецца, што самастойна змяняць устаноўленую мяжу зямельнага ўчастка нельга. Мяжа вызначаецца не размяшчэннем плота на вока, а звесткамі землеўпарадкавальнай дакументацыі і каардынатамі паваротных пунктаў.

— Самавольна нельга пераносіць межавыя знакі, ссоўваць плот за ўстаноўленую мяжу ўчастка, «выраўноўваць» мяжу па дамоўленасці з суседам без афармлення неабходных дакументаў, а таксама далучаць частку суседняга або свабоднага зямельнага ўчастка, — пералічылі ў ведамстве.

Калі здаецца, што мяжа ўстаноўлена няправільна, трэба звярнуцца да спецыялістаў. Яны выканаюць неабходныя землеўпарадкавальныя работы, установяць або адновяць мяжу ўчастка на мясцовасці і вызначаць становішча яе паваротных пунктаў.

У Дзяржкаммаёмасці нагадалі: калі патрабуецца менавіта змяніць мяжу зямельнага ўчастка, гэта праводзіцца ва ўстаноўленым заканадаўствам парадку з наступным афармленнем неабходных дакументаў.