Праект накіраваны на інтэграцыю культурнай, гістарычнай і прыроднай спадчыны краін пяцёркі. Як расказаў Ернар Бакенаў, турызм у ЕАЭС перастае быць проста сферай адпачынку, ператвараючыся ў магутны эканамічны лакаматыў. У сферу актыўна прыходзяць штучны інтэлект, лічбавізацыя. 

«У Еўразійскай эканамічнай камісіі знаходзімся на фінішнай прамой, фарміруем інфармацыйны рэсурс па турызме, дзе будуць прадстаўлены 38 турмаршрутаў, якія злучаюць усе краіны ЕАЭС. Яны ў сябе ўключаюць больш як 400 турыстычных аб’ектаў. І работа будзе прадаўжацца. Спадзяёмся на актыўны ўдзел бізнесу», — сказаў Ернар Бакенаў.

Ён дадаў, што ў канцы мінулага года зацверджана Канцэпцыя развіцця турызму ў рамках ЕАЭС.

Сесія «Сучасныя лічбавыя рашэнні ў сферы турызму: вопыт краін ЕАЭС» прызначана адказаць на пытанне: як прымусіць інавацыі працаваць на турыстычны патэнцыял еўразійскага рэгіёна. Згодна з экспертнымі ацэнкамі, каля 7 працэнтаў сусветных інвестыцый сёння накіроўваюцца менавіта ў турызм, які можа стаць крыніцай развіцця да 50 сумежных сектараў — ад аграпрамысловага комплексу і транспарту да высокіх тэхналогій і сферы паслуг.

У краінах інтэграцыйнага аб’яднання актыўна ўкараняюцца нацыянальныя турыстычныя парталы, інтэрактыўныя сістэмы навігацыі ў зонах адпачынку і нават тэхналогіі дапоўненай рэальнасці (AR), якія даюць магчымасць убачыць гісторыю помнікаў на экране смартфона.