Калі цяпер тэрміновую службу штогод праходзяць каля 50 жанчын, то да 2035 года, згодна з дамоўленасцямі ў абароннай сферы, іх колькасць можа дасягнуць 200. Гэта дапаможа забяспечыць неабходную колькасць прызыўнікоў.

Генеральны дырэктар Дэпартамента абаронных рэсурсаў Ану Ранавескі растлумачыла: зніжэнне нараджальнасці прывядзе да таго, што ў будучым забяспечыць неабходную колькасць прызыўнікоў толькі за кошт мужчын будзе складана.

«Ваеннае кіраўніцтва рэкамендуе штогод прызываць на тэрміновую службу да 4,1 тыс. чалавек. Калі хлопчыкаў ужо цяпер нараджаецца ад 4 тыс. да 5 тыс., набраць з гэтай колькасці 4,1 тыс. прызыўнікоў будзе вельмі складана», — сказала яна.

Цяпер для жанчын у Эстоніі тэрміновая служба добраахвотная. Якая мадэль будзе дзейнічаць у 2035 годзе, пакуль абмяркоўваецца. Ранавескі лічыць, што ў грамадстве неабходна абмеркаваць магчымасць зрабіць службу абавязковай для прадстаўніц слабага полу.