Эканамічны ўрон, які панясе Францыя з-за анамальнай спякоты, можа скласці ад 10 да 15 млрд еўра. Аб гэтым заявіла міністр экалагічнага пераходу рэспублікі Манік Барбю на экстраннай нарадзе, прысвечанай засусе, паведамляе БелТА.
Пры гэтым міністр адзначыла, што цяпер дакладна ацаніць урон складана, паколькі спякота захоўваецца дагэтуль, аднак ён будзе значна вышэйшы, чым у 2022 годзе, які раней пабіў тэмпературны рэкорд. Тады сума ўрону склала 5-6 млрд еўра.
Еўропа перажывае адзін з самых спякотных перыядаў апошніх гадоў. Як заявіў прэзідэнт Францыі Эмануэль Макрон, краіна сутыкнулася з найбольшай колькасцю прыродных пажараў за ўвесь перыяд пасля заканчэння Другой сусветнай вайны.
