З яго слоў, меры, што прымаюцца, будуць «частковымі» і «лакальнымі», каб абараніць бізнес, пасля акцый пратэстаў 17-18 кастрычніка, адзначаных хаосам у шэрагу буйных французскіх гарадоў.

Карта месцаў увядзення каменданцкага часу будзе апублікаваная сёння ў другой палове дня пасля абмеркаванняў з мэрамі, заявіў Лекарню. Надзвычайнае становішча будзе аб'яўлена, «калі гэта будзе мэтазгодна», але каменданцкі час цяпер «здаецца больш дарэчным».

Між тым прэзідэнт Гандлёва-прамысловай палаты Францыі Ален дзі Крэшэнца ў эфіры Радыё RTL заявіў, што больш за 2 тыс. гандлёвых пунктаў былі разрабаваны або разгромлены падчас беспарадкаў, якія адбыліся ў Францыі ў мінулыя выхадныя, а шкода склала сотні мільёнаў еўра. Пацярпелыя прадпрымальнікі звяртаюць увагу на крайнюю небяспеку сітуацыі, якая склалася, бо як набліжаецца перадкалядны сезон, на які прыпадае 40% абароту. 

Акрамя Парыжа, выпадкі пагромаў і марадзёрства былі зафіксаваныя ў Лілі, Марсэлі, Ліёне, Нанце, іншых гарадах. Пасля акцый пратэсту засталіся спаленыя буцікі, выбітыя вітрыны.

Кіраўнік Мінюста Францыі Жэральд Дарманен назваў беспарадкі ў краіне правалам урада і паказаў на недапрацоўкі французскай разведкі. З больш як 2300 затрыманых з 17 кастрычніка, 70 % — дарослыя, большасць з іх застаюцца пад вартай. Міністр унутраных спраў Францыі Ларан Нуньес прызнаў страту кантролю з боку паліцыі ў некаторых гарадах і «недахоп прадбачлівасці» ў мабілізацыі «даступных» праваахоўных органаў.

19 кастрычніка пратэстоўцы заблакіравалі ўваходы ў парыжскі Луўр у знак падтрымкі агульнанацыянальнага пратэснага руху школьнікаў і ў знак асуджэння жорсткіх дзеянняў паліцыі.

Пагромы адбыліся ўслед за масавымі дэманстрацыямі ў Францыі супраць росту цэн на паліва, кошту жыцця і зніжэння пакупніцкай здольнасці насельніцтва. На вуліцы выйшлі ад 550 тыс. да 800 тыс. чалавек.