Работа французскага тэлеканала BFMTV была парушаная днём 15 лістапада пасля пагрозы аб выбуху, паведаміла агенцтва «Минск-Новости» са спасылкай на выданне Parisien.
Трывогу выклікала паведамленне інтэрнэт-карыстальніка, што будынак тэлеканала ў Парыжы ўзляціць на паветра. Быў нават паказаны пэўны час, калі гэта павінна адбыцца. Людзям давялося эвакуявацца. Прамая трансляцыя спынілася, а эфір запоўнілі рэпартажы, якія ўжо выходзілі.
Тым часам на месца меркаванага выбуху прыбылі паліцэйскія, сапёры, кінолагі. Аб’ект праверылі — пагроза апынулася ілжывай. Вярнуцца да звычайнага вяшчання камандзе тэлеканала ўдалося праз каля 150 хвілін.
