Па словах мэра размешчанага на рацэ горада Луараксанс Жан-Поля Юэ, розніца ва ўзроўні вады ў Луары ў параўнанні з лютым, калі ў рэгіёне была зафіксаваная гістарычная паводка, «складае ад васьмі да дзевяці метраў». Ён таксама выказаў асцярогу, што ў горадзе могуць часова ўвесці абмежаванні на выкарыстанне пітной вады, калі найбліжэйшым часам не будзе дажджоў.

Абмяленне Луары, як і іншых рэк Еўропы, у тым ліку Рэйна і Дуная, звязана з паніжаным узроўнем ападкаў і анамальна гарачым надвор’ем у апошнія месяцы.