Па даных нямецкай асацыяцыі абароны інтарэсаў аператараў заправак, на некаторых АЗС у сувязі з гэтым пачалі адключаць на ноч калонкі.

«Прыкметна, што як толькі кошты наблізіліся да 2,40 еўра, панізіўся псіхалагічны бар’ер для здзяйснення злачынства. Некаторыя проста з’язджаюць, не заплаціўшы», — канстатавалі ў асацыяцыі.

Крадзяжы працягваюць адбывацца, нягледзячы на тое, што рызыка быць злоўленым вельмі высокая, бо на большасці заправак устаноўлены камеры відэаназірання.

Згодна з аналізам Еўракамісіі, цэны на бензін у Еўропе з пачатку года ў сярэднім выраслі на 28%. На дызельнае паліва еўрапейскія аўтамабілісты трацяць прыкладна на 40% больш, чым у пачатку года.