Апошнія даныя Міністэрства аховы здароўя ФРГ Інстытута Роберта Коха (RKI) ахопліваюць перыяд з пачатку 2026 года па 9 жніўня ўключна. Паказчык у 14 тыс. смерцяў стаў для краіны самым высокім з 1992 года.

Пераважная большасць смяротных зыходаў бягучым летам прыпала на ўзроставую групу старэй за 75 гадоў (каля 10,5 тыс. памерлых). 

Інстытут у сваім аналізе вылучае два перыяды экстрэмальнай спякоты летам бягучага года. Першы прыпаў на канец чэрвеня, другі ахапіў канец ліпеня — пачатак жніўня. Большая частка ахвяр — 9,6 тыс. чалавек — была зарэгістраваная на тыдні з 22 па 28 чэрвеня. У гэты перыяд сярэдняя сутачная тэмпература ў ФРГ складала 26,4 градуса, днём месцамі слупок тэрмометра падымаўся вышэй за 40 градусаў.

Асацыяцыя нямецкіх фермераў раней паведаміла пра падзенне ўраджайнасці збожжавых і рапсу на фоне моцнай спякоты і засухі гэтым летам. У некаторых рэгіёнах краіны таксама не хапае кармоў для жывёлы. Аграрыі ў сувязі з гэтым чакаюць неадкладнай фінансавай падтрымкі ад уладаў, інакш ураджай апынецца пад пагрозай.