У Гомелі пабудавалі самы высокі панэльны дом у Беларусі, паведамляе Smartpress.by. Будынак, які размясціўся на вуліцы Мазурава, складаецца з рэкордных 24 паверхаў і ўжо чакае будучых гаспадароў. У эфіры мясцовага тэлебачання расказалі, што вышыня панэлькі складае ні многа ні мала — 74,25 м.
Самы высокі дом у Беларусі
Гомельскі шматпавярховік пабудавалі па праекце серыі 152М, які быў распрацаваны яшчэ ў 2010 годзе. Аднак да сённяшняга дня па ёй узводзілі будынкі не вышэй за 14 паверхаў. Сам дом выкананы з жалезабетонных панэляў і мае вентыляваны фасад. Унутры размясціліся 184 кватэры:
Гэты дом — першы з трох запланаваных высотак у мікрараёне. Побач ужо ўзводзіцца другі паверх наступнага небаскроба, які працягне фарміраванне новага жылога комплексу. Яго здача ў эксплуатацыю запланавана на канец 2026 года. Трэці высокі будынак павінна з’явіцца праз два гады.
