У Гомелі стартаваў пілотны праект, у рамках якога маладых людзей, якія выраслі без бацькоў, навучаюць навыкам бацькоўства. Пра гэта БелТА паведаміла прэс-служба Міністэрства працы і сацыяльнай абароны.

У ведамстве адзначылі, што ў ходзе праекта маладыя бацькі, якія самі перажылі адсутнасць бацькоўскай апекі, сумесна вучацца будаваць моцныя і шчаслівыя сем’і. 

Удзельнікі пілотнага праекта сабраліся ў тэрытарыяльным цэнтры сацыяльнага абслугоўвання насельніцтва (ТЦСАН) Чыгуначнага раёна Гомеля. У гэтым раёне постінтэрнатным суправаджэннем ахоплены 112 маладых гамяльчан ва ўзросце ад 18 да 23 гадоў з ліку дзяцей-сірот.

Як падкрэсліла дырэктар ТЦСАН Наталля Забаўчык, многія з гэтых маладых людзей маюць патрэбу ў падтрымцы для паспяховай сацыялізацыі і арганізацыі свайго сямейнага жыцця. Праект «PRO-СЯМ’Ю» дапамагае ўсталёўваць даверныя адносіны ў сям’і, пераймаць станоўчы вопыт выхавання дзяцей і ствараць уласныя сямейныя традыцыі. «Такія ініцыятывы дапамагаюць бацькам стаць тым самым адсутным звяном на шляху стварэння здаровых адносін з дзецьмі і адзін з адным», — упэўненая Надзея Куніцкая.