У Гомельскай вобласці з пачатку года высадзілі 3,5 млн кветак. Пра гэта расказаў намеснік старшыні Гомельскага абласнога камітэта прыродных рэсурсаў і аховы навакольнага асяроддзя Іван Свежанец, паведамляе БелТА.
У цэлым Гомельская вобласць — самая зялёная ў нашай краіне, адзначыў Іван Свежанец. «Больш за 50 % тэрыторыі рэгіёна занята лесам і аб’ектамі расліннага свету. Традыцыйна Гомельская вобласць уваходзіць у кожны год з вялікім заданнем па добраўпарадкаванні. У бягучым годзе было пасаджана ўжо 48 тыс. дрэў і 31 тыс. кустоў. Крыху больш за 50 % ад гадавога задання. Усё астатняе будзе выканана ў восеньскі перыяд», — адзначыў ён.
У вобласці ўжо сёлета высаджана 3,5 млн кветак, расказаў Іван Свежанец. «У гэтай лічбе асноўная, вядома, маса прыпадае на абласны цэнтр. Акрамя таго, праведзены комплексныя абследаванні на прадмет адпаду, гэта значыць усохлых насаджэнняў, якія былі пасаджаны ў папярэднія вясновы і восеньскі перыяды. Працэнт адпаду па гэтых перыядах сёлета склаў крыху менш за 10 %. Асобным планам мы аднаўляем гэтыя ўсохлыя дрэвы, якія не будуць уключаны ў агульную лічбу пасадкі», — растлумачыў намеснік старшыні.
