Кіраўнік дзяржавы наведае сельгаспрадпрыемства «Гавяды-Агра», а таксама сялянскую (фермерскую) гаспадарку «Дзіяна». Размова пойдзе аб цяперашнім стане і перспектывах развіцця сельгасвытворчасці, вырошчванні і арганізацыі захоўвання бульбы.

Беларусь уваходзіць у дваццатку сусветных вытворцаў бульбы. Пры агульнай тэндэнцыі па скарачэнні плошчаў пад пасадкі гэтай культуры вытворчасць у асноўным канцэнтруецца ў буйных спецыялізаваных гаспадарках, якія імкнуцца строга выконваць тэхналагічныя прыёмы, забяспечаны неабходнай сельгастэхнікай. Гэта станоўча ўплывае на ўраджайнасць.