Тэма кангрэса, які на працягу двух дзён аб’яднае некалькі соцень вучоных, — «Сучасныя праблемы біяхіміі і малекулярнай біялогіі».

Як адзначыў акадэмік-сакратар аддзялення медыцынскіх навук НАН Беларусі, доктар медыцынскіх навук, прафесар Васіль Богдан, упэўненае развіццё медыцынскай навукі ў Беларусі сёння ў многім звязана з рацыянальным і эфектыўным спалучэннем фундаментальных і прыкладных навуковых даследаванняў, якія выконваюцца навуковымі арганізацыямі НАН Беларусі, Міністэрства аховы здароўя, Міністэрства адукацыі.

«Сінергетычны эфект узаемадзеяння акадэмічнай, вузаўскай і галіновай медыцынскай навукі ў рамках прыярытэтных для Рэспублікі Беларусь навуковых напрамкаў, напрамкаў навукова-тэхнічнай інавацыйнай дзейнасці далі магчымасць сфарміраваць умовы для стварэння і развіцця новых прарыўных тэхналогій у анкалогіі, транспланталогіі, траўматалогіі, кардыяхірургіі, гематалогіі і ў многіх іншых галінах, якія сёння з’яўляюцца візітнымі карткамі беларускай аховы здароўя. Правядзенне кангрэса на базе Інстытута біяхіміі і біялагічных актыўных злучэнняў НАН Беларусі — добрая магчымасць сфарміраваць кампетэнтнае меркаванне, вызначыць і правесці ацэнку існуючага ўзроўню фундаментальных даследаванняў у галіне біяхіміі і малекулярнай біялогіі», — сказаў ён, дадаўшы, што гэта таксама магчымасць ажыццявіць дэталёвы аналіз дасягнутых вынікаў і іх выкарыстання ў практычнай дзейнасці, вызначыць напрамкі далейшага развіцця з улікам сусветнага вопыту і патрэб аховы здароўя Рэспублікі Беларусь. Паводле слоў акадэміка-сакратара, кангрэс валодае патэнцыялам для актывізацыі і пашырэння міжнароднага навуковага супрацоўніцтва з абмеркаваннем распрацовак, новых сумесных праектаў і праграм.

У рамках кангрэса адбудзецца цырымонія падпісання дагавораў аб супрацоўніцтве паміж Інстытутам біяхіміі біялагічна актыўных злучэнняў НАН Беларусі і вядучымі навукова-практычнымі цэнтрамі РФ у сферы біяхіміі, малекулярнай біялогіі і лабараторнай дыягностыкі. Будзе працаваць секцыя «Маладая акадэмія біяхіміі», дзе прадставяць даследаванні маладых вучоных з асобным конкурсам дакладаў маладых даследчыкаў. Таксама адбудзецца падвядзенне вынікаў і ўзнагароджанне пераможцаў і ўдзельнікаў конкурсу творчых работ для дзяцей, школьнікаў і навучэнцаў «Малады погляд».

«Прынцыпова важным уяўляецца не толькі абмеркаванне і абмен думкамі, але актыўнае ўкараненне і запатрабаванасць існуючых навуковых вынікаў у медыцынскую практыку для забеспячэння прыярытэту айчыннай аховы здароўя, павышэння якасці аказання медыцынскай дапамогі, на карысць нашай краіны, каб абгрунтавана можна было сцвярджаць, што навука перамагае хваробу», — рэзюмаваў Васіль Богдан.