Абмеркаванне ідзе ў рамках прэс-тура для журналістаў і блогераў, які арганізавалі ў Свіслацкім раёне. Галоўная мэта мерапрыемства — паказаць патэнцыял рэгіёну. Па заршэнні прэс-тура адбудзецца прэс-канферэнцыя з удзелам старшыні Гродзенскага абласнога выканаўчага камітэта Юрыя Караева.
Спіс аб’ектаў для наведвання шырокі і ахоплівае самыя розныя вобласці: эканоміку, сельскую гаспадарку, адукацыю, сацыяльную сферу. Прадстаўнікі СМІ, блогерскай супольнасці і ідэалагічнага сектара наведаюць шэраг аб’ектаў. Сярод іх — рэканструкцыя навучальнага корпуса былой СШ № 3 для здачы ў арэнду. Таксама ў праграме — наведванне цэха хлебапячэння, дзе вырабляюць знакамітую «Бацькаву булку». У Спісе таксама будаўніцтва малочнатаварнай фермы «Рудаўка» на 777 дойных кароў і іншыя аб’екты.
У ходзе сустрэчы, прысвечанай пытанням развіцця Свіслацкага раёна, абмяркоўваюцца ключавыя праблемы і перспектывы яго далейшага росту. Асаблівая ўвага ўдзяляецца прыцягненню маладых спецыялістаў і развіццю турыстычнай інфраструктуры, расказаў старшыня Свіслацкага райвыканкама Андрэй Грыцкевіч.
— Кожны кіраўнік раёна імкнёцца да таго, каб як мага больш маладых спецыялістаў прыязджала і заставалася працаваць у рэгіёне. Аднак праблема заключаецца ў тым, што пасля двух-трох гадоў працы маладыя людзі часта з’яжджаюць. Для вырашэння гэтай праблемы неабходна ствараць умовы, якія будуць садзейнічаць замацаванню маладых спецыялістаў у раёне. Даступнае жыллё, магчымасць для вольнага часу і дастойны ўзровень заработнай платы. Толькі так можна прывабіць моладзь і ўтрымаць яе ў раёне.
Нягледзячы на тое, што Свіслацкі раён з’яўляецца невялікім, ён дэманструе станоўчую эканамічную дынаміку. За апошнія гады тут былі рэалізаваны інвестыцыйныя праекты, якія садзейнічалі развіццю інфраструктуры і стварэнню новых рабочых месцаў. Аднак ёсць яшчэ прабелы, якія неабходна дапрацаваць. Увага надаецца будаўніцтву аб’ектаў інфраструктуры, такіх як басейны, сацыяльныя ўстановы і арэнднае жыллё. Таксама рэалізуецца інвестпраект па стварэнні лагістычнага цэнтра, які будзе садзейнічаць развіццю бізнесу ў раёне.
— Адной з ключавых задач для раёна з’яўляецца развіццё турызму. Белавежская пушча — важны турыстычны аб’ект. Аднак сёння існуе праблема недастаткова развітай інфраструктуры, якая абмяжоўвае паток турыстаў, — адзначыў Андрэй Грыцкевіч
Для прыцягнення турыстаў неабходна ствараць умовы для іх камфортнага знаходжання ў раёне. Гэта ўключае ў сябе развіццё грамадскага харчавання, гасцінічнага бізнесу і іншых паслуг, якія будуць цікавыя турыстам. Таксама важна ўлічваць, што раён з’яўляецца транзітным, праз яго праходзіць траса, якая злучае Гродна і Брэст. Гэта стварае дадатковыя магчымасці для развіцця турызму.
Вераніка КАЗЛОЎСКАЯ
Фота Гродзенскай праўды
