Сама меней 20 чалавек загінулі, 18 пацярпелі ў выніку лабавога сутыкнення пасажырскага аўтобуса з грузавіком у індыйскім штаце Тэлангана. Аб гэтым паведамляе ТАСС.
Паведамляецца, што ў аўтобусе, які рухаўся ў сталіцу штата — горад Хайдарабад, знаходзілася каля 70 пасажыраў. Грузавік перавозіў жвір. Пры аварыі ён урэзаўся ў аўтобус з такой сілай, што частка грузу высыпалася на транспартны сродак, блакіруючы пасажыраў.
На месца аварыі прыбылі выратавальныя службы. Каб вызваліць людзей выкарыстоўвалі экскаватары.
Па папярэдніх звестках, прычынай дарожна-транспартнага здарэння стала перавышэнне хуткасці і страта кіравання вадзіцелем грузавіка.
