Па словах відавочцаў, прычынай узгарання магло стаць падзенне лініі электраперадачы на сухую траву, пасля чаго агонь перайшоў на лясны масіў.

Раней паведамлялася аб шасці загінулых. «Пацверджана яшчэ шэсць смерцяў у зоне пажару», — гаворыцца ў камюніке мясцовага ўрада. Як паведамляе France 24, целы знайшлі ў пасёлку ў муніцыпалітэце Бедар, некаторыя з іх знайшлі ўнутры ахопленых полымем аўтамабіляў. 

Улады перакрылі дарогі і эвакуіравалі мясцовых жыхароў — каля 50 чалавек размясцілі ў культурным цэнтры. На месцы працуюць пажарныя і спецтэхніка. Да ратавальнікаў далучыцца Ваеннае падраздзяленне па надзвычайных сітуацыях Іспаніі.

Гэтым летам тэмпература паветра ў Іспаніі паднімаецца да 40 градусаў з-за экстрэмальнай хвалі спякоты па ўсёй Еўропе.